主页 > V漾生活 >【轮证赢家】VHSI準备反弹 >

【轮证赢家】VHSI準备反弹

  • V漾生活 | 2020-06-13 20:22:18 阅读量:63万+
【轮证赢家】VHSI準备反弹放大图片

望望月曆,今日都10号,仲有三日就中秋节,多谢亲爱嘅data provider Iris同Zoe送嚟嘅果篮,亦预早祝大家中秋节快乐!(我未放假,只係怕唔记得啫!)

噚日拣咗只恒指牛(54924)出嚟,而噚日喺【轮证下半Part】都有讲过,就算朝早11点零嗰段时间买入,到下昼1几嗰时见恒指5分钟图SlowSTC(14,3)上到超买而day trade的话,赚幅都只係6.1%;除非你大注,否则真係无乜肉食。

而由于讲到明係小注,所以唯有等第二个机会。讲紧去到噚日下昼3点5分至3点20分,恒指5分钟图SlowSTC(14,3)再次上到超买位,不过今次恒指数点亦唔算高,所以(54924)证价都唔係特别靓仔,呢段时间(54924)高低位做过$0.086/$0.085,平均卖$0.0855,对比平均买入价$0.0825,只係食咗三格/3.6%。

有心等到今朝开市,恒指开报26831点,首五分钟最高见过26870点,有一种直迫27000点嘅感觉。但如果开恒指5分钟图细心睇,你就会发现喺9点40分时,恒指已经呈高开低收嘅走势,但同步5分钟图SlowSTC(14,3)就下向行,跟住大市继续跌,而SlowSTC(14,3)就见掉头。若然睇到呢个古怪位,同时见(54924)证价当时做到$0.09X呢啲位,计落都有10格8格而走货的话,就当开市头15分钟按(54924)高低位做过$0.101/$0.088计,平均卖出价就係$0.0945,对比噚日卖出价,赚幅为14.5%。

依家10点33分,恒指先升后跌兼高开低收,日线图上见噚日所担心嘅SlowSTC(14,3)上到顶会有掉头下行风险,今日见%K线终于高低跌穿咗条%D线,但睇返中线少少嘅好似MACD咁,虽则两线仍然负数(处于熊区),但两线势头仍然向上;而14RSI亦未见有掉头向下迹象。

再拎埋条保历加通道出嚟睇,依家10点40分,虽然见到恒指仲係跌紧(6点啫,真係唔多),但今日恒指粒烛仍然贴价保历加通道顶(26889点)上行;再开恒指牛熊证街货图见下方牛证最贴价仍然喺25800至25899点,就算呢一层已经变成重货区,但同现价(10点42分mark26677点计)都有逾700点差距,睇嚟上行嘅机会仍然高于下行。

唯一要小心嘅係恒指波幅指数(VHSI)继续下行,所以见恒指波幅窄到不得了,但今日再睇VHSI真係有接近严重超卖嘅情况。一旦如上文所估计恒指真係向上行,而VHSI见低回升帮佢一把弹高啲的话,恒指牛(54953),收回价25880点,市场上最贴价嘅牛证之中,槓桿最高,街货最少,成交活跃,可能会帮到你买个果篮返屋企,同屋企人分享都未定。一如以往,不贪心,不超卖无靓位不落场!

作者阿珊,任财经/投资版传媒人十几年,《钟摆战略赢港股》作者。用技术分析专心玩轮证,唔贪心,志在搵餐下午茶。

电邮:[email protected];FB:轮证赢家




上一篇: 下一篇: